Miz C’hwevrer 2016. Evit an dekvet gwech e klask Saif, Seve ha Tarik treuziñ mor Ege. Ar wech-mañ e vo an hini mat. Ur sizhun goude e tegouezhont en Idomeni war an harzoù etre Bro-C’hres ha Makedonia. 14 000 repuad zo berniet aze dindan teltennoù dister en desped d’ ar glav hag er yenijenn. Torret eo o huñvre en Europa gant ar gwirvoud kalet. E-pad mizioù e rankint bevañ er stuz diasur-se kalonekaet gant ur youl dir : tremen en tu-hont d’an harzoù. Aze ’mañ e-tal kichen a-dreñv renkennadoù orjal dreinek. Gwelet o deus ar Yezidied yaouank o buhez cheñch penn da benn pa voe taget o c’hêriadenn gant Daesh e Miz Eost 2014. N’o deus mui nemet ur pal abaoe : mont da gaout Bro-Alamagn evit kregiñ eno gant ur vuhez nevez, pell diouzh lec’hioù al lazhadeg he deus skoet o fobl, o c’herent, o mignoned. Staget int gant ur veaj dañjerus, o vevañ en ur stad mantrus, o tremen alies e-kichen ar marv, o kavet war o hent ar pep gwellañ hag ar pep gwashañ, brokusted an dud a-youl-vat ha c’hoantegezh an drafikerien.
Ha treiñ a ray o huñvre europat da wir tra m’emañ ar Stadoù o klozañ o harzoù ?
Seveniñ : Mikael Baudu – Kamera : Arno Vannier
Kenbroduet gant Gwengolo, Filmoù France 3 Bretagne, Tébéo, Tébésud, TVR, Brezhoweb
Skignet war France 3 Breizh d’an 21 a viz Here da 11 e e Bali Breizh.
Er salioù :
| 20/10 | 8 e gm | Besançon | Le Scènacle 6,rue de la Vieille monnaie |
| 21/10 | 6 e gm | Lanniliz | Sal La Nuit de noces |
| 22/10 | Mâcon | ||
| 05/11 | 3 e gm | Plouvian | La Forge |
| 06/11 | 8 e30 gm | Gwengamp | Sinema les Baladins |
| 06/11 | 8 e30 gm | Lechiagad | sal Kroaz Malo |
| 10/11 | 8 e gm | Plougastell-Daoulaz | mediaoueg Anjela Duval |
| 15/11 | 8 e30 gm | Kawan | Ti ar Vro |
| 18/11 | 10 e | Plouzane | Kreizenn sevenadurel |
| 24/11 | 8 e30 gm | Skaer | egorenn Youenn Gwernig |
| 26/11 | 4 e gm | Nevez | Sal ar Gouelioù |
| 01/12 | 8 e30 gm | Roazhon | MIR, 7 kae Chateaubriand |
Kurdistan, Huñvreal an Nevez-Amzer a vo skignet ivez e Besançon d’an 22 a viz Here da 5 e gm, sal Proudhon.